عمرك بين ال14 و18؟
وحابب تعرف أكتر عن عالم صناعة المحتوى المرئي والسوشال ميديا يلي صرنا محاطين فيه من كل مكان؟
بورشة #كلاكيت حنساعدك لتعرف أكتر عن هاد العالم عن طريق محورين:
محور لح نركز فيه على كيفية صناعة هاد المحتوى عن طريق التدريب على عدة مهارات:
صناعة الفيديوهات، مهارات كتابة المحتوى، مهارات الإلقاء، المهارات التقنية
وكيف منقدر نستخدم هي المهارات لنعبر عن أفكارنا ونتواصل مع غيرنا
ومحور حنركز فيه على تحليل هاد المحتوى وآلية التعامل مع مخاطر السوشال ميديا والإعلام
عن طريق هي الورشة حنشتغل سوا على فيديو من صنعك ليكون الختام احتفال بالمشاريع الي تقدمت مع الأهل والأصدقاء
لهيك لتكون معنا ولتكون جزء من المشهد كل الي لازم تعملو انك تتواصل معنا على الصفحة لنبعتلك تفاصل التسجيل
بعدها صوّر فيديو مدته دقيقة خبرنا فيه اسمك وعمرك وسبب رغبتك بالحضور وابعته على الرقم 0956458851
مشروعنا حيكون عبارة عن 28 ساعة تدريبية خلال العطلة الانتصافية من 16 ل 23 من الشهر الأول, من الساعة 9 لل1, لنستغل العطلة بشي ممتع ومفيد
تنويه: التسجيل متاح لمدة يومين لهيك لحق حالك لتكون معنا!
يذكر أن المشروع بالشراكة مع أفلاتيك وبإحتضان من مؤسسة حياة
